Ҳакерҳо ба ширкати Apple ҳамлавар шуданд

Apple аз ҳамлаи ҳакерҳо ба баъзе аз компютерҳои ин ширкат хабар додааст. Apple эълом кард, ки иртиботи компютерҳои олударо бо шабакаи дохилии ин ширкат қатъ карда ва ҳакерҳо муваффақ ба дастёбӣ ба иттилоъоти маҳрамона нашудаанд.

Ин ҳамла мушобеҳ бо ҳамлаи ҳафтаи гузаштаи ҳакерҳо ба Фейсбук арзёбӣ шудааст. Фейсбук ҳафтаи пеш аз ҳамлаи ҳакерҳои чинӣ ба компютерҳои баъзе аз коркунонаш хабар дода буд.

Ҳамзамон як ширкати амнияти сойберӣ дар Омрико аз шиносоии маҳалли истиқрори яке аз фаъъолтарин гурӯҳҳои ҷосусии интернетӣ дар Шонгҳойи Чин хабар додааст.

Ширкати "Mandiant" эълом кард воҳиди 61398 мутаъаллиқ ба артиши озодибахши халқи Чин муваффақ ба дастёбӣ ба ҳаҷми густардае аз иттилоъоти мутаъаллиқ ба 141 созмон дар саросари ҷаҳон шудааст.

Давлати Чин бо радди ин гузориш эътибори таҳқиқоти ширкати "Mandiant"-ро зери суол бурдааст.

Ширкати Apple эълом кардааст, ки барои пешгирӣ аз олуда шудани компютерҳои муштариёнаш нармафзорҳояшро иртиқо хоҳад дод.

Бинобар эъломи ин ширкат, ҳакерҳо бо истифода аз заъфи Ҷово тавонистанд ба теъдоди каме аз компютерҳои ин ширкат нуфуз кунанд.

Apple эълом кард, ки аз замони арзаи нармафзори омили OS X Lion тавлидоти ин ширкат бидуни ин ки нармафзори Ҷово бар рӯйи онҳо насб шуда бошад, ба фурӯш мерасад,

Apple афзуд нармафзореро барои ёфтани бадафзорҳои олудакунандаи Ҷово арза кардааст, то ба корбарони маҳсулоти ин ширкат барои бартараф кардани мушкил кумак кунад.