Бонки миллӣ "корти миллӣ" роҳандозӣ мекунад

Бонки миллии Тоҷикистон мехоҳад кортҳои пластики навъи "корти миллӣ"-ро барои мардум дастрас намояд.

Бонки миллии Тоҷикистон ба таври расмӣ ба бонкҳои хусусӣ муроҷиат кардааст, ки аз барои муштариёни худ аз "корти миллӣ" истифода кунанд ва ин навъи корти плостикӣ дар дохили кишвар маъмулӣ шавад. Дар ибтидои соли равон барои нахустин бор ба мақсади кам кардани мизони муомилоти пули нақдӣ ва ба хотири рушди фановариҳои пардохти маблағ бо шароити муосир дар Тоҷикистон, Маркази протсессингии Бонки миллӣ низоми пардохти миллии КОРТИ  МИЛЛӢ -ро ба муомила баровард. Вале ба иттиллои Дафтари матбуотии Бонки миллӣ, ҳанӯз аз тарафи бонкҳои хусусӣ посухе дарёфт нашудааст. Аммо гуфта мешавад, ки бонкҳои хусусӣ онро ба суди кори худ ва муштариён намебинанд.