Қазоқҳо рӯ ба Хонаи Худо, мо рӯ ба ҷаҳаннам

"Islamworldnews" хабар додаст, ки Идораи мусалмонони Қазоқистон дар ҳамбастагӣ бо мақомоти Остона тарҳеро ироа кард, ки бар асоси он тамоми қиморхонаҳои ин шаҳр бекор карда шуда ва ба ҷойи онҳо масҷид сохта хоҳад шуд.

Дар робита ба ин мавзӯъ раисҷумҳури Қазоқистон ба тозагӣ пешниҳод кард, ки ба ҷойи яке аз қиморхонаҳои бузург, ки фаъолияти он манъ шуда буд, масҷиде бунёд гардад.

Тибқи ин фармон, Идораи динии мусалмонони Қазоқистон дар сохти ин масҷид, ки бояд то апрели 2014 м ва дар шаш ҳазор метри мураббаъ бино шавад, назорат хоҳад кард.

Давлати Қазоқистон дар соли 2007 м қасд дошт, бузургтарин маркази тафреҳии Осиёи Миёна, ки бахши зиёде аз он қиморхона будро аз нав бунёд кунад, аммо эътирози густурдаи мусалмонони ин кишвар сабаб шуд, ки давлат на танҳо он тарҳро манъ кард, балки тамоми қиморхонаҳои фаъолро низ бекор кард.

Ин дар ҳолест, ки дар он замон дар шаҳри Алмаата 37 қиморхона ва дар маҷмӯъ 141 қиморхона дар Қазоқистон фаъолият мекард.

Ҷамъияти Қазоқистон дар ҳоли ҳозир афзун бар 26.5 миллион нафар аст, ки беш аз 71 дарсади онро мусалмонон ташкил медиҳанд.