Назарсанҷӣ

Шумо ба шаффофияти имтиҳоноти кадом яке аз ин марказҳо боварӣ доред?

Маркази миллии тестӣ - 51.8%
Маркази “Дурахшандагон” - 3.7%
“Россотрудничество” - 4.3%
Донишгоҳи Осиёи Марказӣ (УЦА) - 22%
Филиали Донишгоҳи давлатии Москва (МГУ) - 4.9%
Дигар - 13.4%

Тоҷикистон ва Русия дар заминаи ҳамкориҳои тиҷорӣ ва иқтисодӣ нишаст баргузор мекунанд

Хабари хуб 19.03.2019 14:20

Бино ба иттилоъи хабаргузории РИА Новости, фардо 20 март дар шаҳри Душанбе ҷаласаи Комиссияи байниҳукуматии Тоҷикистон ва Русия доир ба ҳамкориҳои тиҷоративу иқтисодӣ баргузор мешавад.

Ба гуфтаи ин манбаъ, Антон Силуанов муъовини нахуствазири Русия шоми имрӯз барои ширкат дар ин нишаст вориди Душанбе хоҳад шуд.

Таъкид шудааст, ки дар ҷаласаи мазкур масъалаҳои ҳамкориҳои Тоҷикистону Русия дар соҳаҳои энерегетика, тандурустӣ, муҳоҷират ва бонкиву молиявӣ баррасӣ хоҳанд шуд.

Инчунин манбаъ афзудааст, ки дар ҷаласаи мазкур ба масъалаи содироти маҳсулоти кишварзии Тоҷикистон ба Русия ва иштироки минтақаҳои ин кишвар дар бозсозии корхонаҳои саноъатии Тоҷикистон таваҷҷуҳи хос дода мешавад. 

Маврид ба зикр аст, ки қабл аз ин Сергей Лавров вазири корҳои хориҷаи Русия ба Тоҷикистон сафари корӣ анҷом дода буд. Зимни сафараш Сергей Лавров вазири корҳои хориҷаи Русия бо Эмомалӣ Раҳмон, раисҷумҳури Тоҷикистон ва ҳамтои тоҷикаш Сироҷиддин Муҳриддин мулоқот анҷом дода буд.

Зимни мулоқот тарафҳо ҷанбаҳои гуногуни ҳамкориҳои дуҷониба, шарикӣ ва стратегиро баррасӣ намуданд.       

©2008 - 2019 "Миллат" - рӯзномаи ҷамъиятӣ сиёсии Тоҷикистон. All right reserved.

Нишонӣ: Ҷумҳурии Тоҷикистон, шаҳри Душанбе, хиёбони С. Шерозӣ 16 ошёнаи 2
E-mail: info@millat.tj, millat@inbox.ru Tel: (+992)37-88-111-97