Ба иттилои хабаргузории «Авасто», Иқбол Тариқ, сафири Покистон дар Тоҷикистон эълом кардааст, ки монеи аслӣ барои имзои тавофуқномаи транзитӣ миёни Исломобод, Душанбе ва Кобул мавзеи давлати Афғонистон аст, ки қасд дорад, Ҳиндро низ дар ин қарордод шарик бисозад.
Иқбол Тариқ таъкид кардааст, ки музокирот барои имзои ин тавофуқномаи транзитӣ миёни Тоҷикистон, Афғонистон ва Покистон аз соли 2013 оғоз шуда ва исрори давлати Кобул барои мушорикат додани Ҳинд дар ин тавофуқнома боиси кунд шудани ин гуфтугуҳо шудааст.
Сафири Покистон дар Душанбе бо таъкид бар мухолифати кишвараш бо мушорикати Ҳинд дар ин тавофуқнома афзудааст: Покистон муътақид аст, ки дар марҳалаи нахуст бояд ин созишнома миёни Исломобод, Душанбе ва Кобул ба имзо бирасад ва мавзуи пайвастани дигар кишварҳо ба ин қарордод дар марҳилаҳои баъдӣ баррасӣ шавад.
Дари сурати имзои ин тавофуқномаи транзитӣ, Тоҷикис тон метавонад аз қаламрави Афғонистон ба бандарҳои Покистон дастрасӣ пайдо кунад ва Афғонистон ва Покистон низ аз имконоти транзитии Душанбе барои вуруд ба бозори Осиёи Марказӣ бархурдор шаванд. Мақомоти Тоҷикистон пеш аз ин омодагии худро барои имзои ҳарчи зудтари ин тавофуқнома эълом кардаанд.