Нақшаи даъват ба хидмати ҳарбӣ дар сафи Қувваҳои мусаллаҳи Ҷумҳурии Тоҷикистон 62% иҷро гардид, иттилоъ медиҳад дафтари матбуотии Вазорати мудофиа.
Ба хидмати ҳарбӣ шаҳрвандони сини аз 18 то 27-сола, ки ҳуқуқи аз хидмат озод шуданро надоранд, даъват мешаванд. Ҳамасола маъракаи даъвати баҳорӣ аз 1-уми апрел шуруъ шуда, то 31-май давом мекунад.
Бино ба иттилои сухангӯи Вазорати мудофиаи ҶТ Фаридун Маҳмадализода, "то имрӯз дар ВМКБ75%, вилояти Хатлон72%, вилояти Суғд61%, навоҳии тобеи марказ57% ва шаҳри Душанбе38%-и нақша иҷро шуда, дар умум ҳаҷми иҷрои нақша дар қаламрави ҷумҳурӣ 62%-ро ташкил медиҳад".
Зимнан,, ки ҳар сол ба сафи Қувваҳои мусаллаҳи кишвар наздики 15-16 ҳазор ҷавон даъват мешаванд. Дар қаламрави ҷумҳурӣ теъдоди 600 ҳазор ҷавони синну соли мувофиқ ба хидмати ҳарбӣ ба қайд гирифта шуда, наздики 150 ҳазор нафари онҳо аз хидмат озод ё бо сабаби саломатӣ барои хидмати ҳарбӣ мувофиқ нестанд. Дар баробари ин теъдоди 100 ҳазор шаҳрвандони синну соли ҳарбӣ дар муҳоҷирати меҳнатӣ қарор доранд.