Шогирдони гимназияи «Ҳотам ва П.В.» ба хазинаи илми тоҷик боз медал оварданд

Дар ҳоле ки дар таътили тобистона  хеле аз шогирдони мактабҳои кишвар дар истироҳатгоҳу фароғатгоҳҳо ва ҷойҳои дигар машғули дамгирӣ ҳастанд, чаҳор нафар аз толибилмони тоҷик дар сабқати дониши наврасони Балкан чаҳор медал ба даст оварданд 

Ин чаҳор нафар шогирди гимназия –интернати Тоҷикистону Русия «Ҳотам ва П.В.» рӯзҳои 24-29 июн дар олимпиадаи риёзӣ миёни наврасон дар Балкан ширкат карда, бо як медали нуқра ва се медали биринҷӣ ба Ватан бозгаштанд.

Ин олимпиада бо ширкати толибилмони 19 кишвари ҷаҳон дар шаҳри Белгради Ҷумҳурии Сербия баргузор гардид.

Дар олимпиадаи мазкур Тоҷикистонро хонандагони синфи 8 –уми гимназия-интернати «Ҳотам ва П.В.» дар ҳайати; Абубакр Усмонов (барандаи медали нуқра), Меҳрон Бобохонов (барандаи медали биринҷӣ), Суннатулло Раҳматов (барандаи медали биринҷӣ) ва Азизҷон Исматов (барандаи медали биринҷӣ) намояндагӣ карданд.

Ду нафар аз толибилмони литсейҳои тоҷикӣ-туркӣ, ки онҳо низ дар натиҷаи озмуни интихобӣ ба ҳайати дастаи Тоҷикистон пазируфта шуданд, бо сабабҳои номаълум дар ин олимпиада ширкат наварзиданд.

Роҳбарии дастаи Тоҷикистонро дар ин олимпиада Ёров Хусрав бар уҳда доштааст.

Ду нафар аз толибилмони литсейҳои тоҷикӣ-туркӣ, ки онҳо низ дар натиҷаи озмуни интихобӣ ба ҳайати дастаи Тоҷикистон пазируфта шуданд, бо сабабҳои номаълум дар ин олимпиада ширкат наварзиданд.

Роҳбарии дастаи Тоҷикистонро дар ин олимпиада Ёров Хусрав бар уҳда доштааст.