Назарсанҷӣ

Шумо аз хидматрасонии кадом ширкати мухобиротӣ қаноатманд мебошед?

МегаФон Тоҷикистон - 14.4%
Вавилон мобайл - 65.4%
Тселл - 14.7%
Билайн - 3.7%
ТК мобайл - 0.6%
Тоҷиктелеком - 1.2%

Дулмакарами кореягӣ

Маълум аст, ки фикри кадбонуи хонадонро дар тӯли рӯз асосан фикри чӣ гуна ғизо пухтан банд месозад. Аз ин рӯ мо тасмим гирифтем, то кори кадбонуҳоро то ҷое осон намоем. Мо пухтани таъомҳои муфид ва муносиб ба фасли солро тавсия менамоем. Ҳар кадбону мехоҳад, дар фаслҳои гуногуни сол барои азизони худ ғизоҳои иштиҳоовар ва фоидаовар таҳия намояд. Хеле аз кадбонуҳо пухтан ва пешкаш кардани таоми болаззати дулмаро дӯст медоранд. Ва ҳар кас бо салиқаи худ онро таҳия мекунад. Яке бо караму гӯшт, дигаре бо қаламфури булғорӣ ва гӯшт, бархе бо караму сабзӣ ва ҳоказо.

 Ин ҷо тарзи таҳияи дулмакарами сабзавотӣ (голубцы с капустом) ё дулмакарами кореягӣ бо қимаи сабзӣ (зардак)-ро пешкаш мекунем.

Маҳсулот:

1 карами миёнҳаҷм

5 сабзӣ (зардак)

1 (ва ё бештар аз он) дандона сирпиёз

500 мл об

50 мл сирко (уксус)-и 9%

50 мл равғани растанӣ

50 г шакар

15 г намак

Мурчи сиёҳ, тухми гашниз, баргабӯ (лавровый лист) ба табъи дил.

Тарзи таҳия:

Аввалтар аз ҳама карамро барои дулма омода бисозед. Баргаҳои карамро бо ҳар тарзе, ки муносиб медонед; ё бо гузоштан дар микроволновка ё бо тарзи ҷӯшонидан дар об аз таркиби сахтии карам ҷудо созед.

Зардакро аз пӯсташ тоза карда, аз тарошак бигузаронед. Дандонаи сирро фишурда бо зардак ҳамроҳ кунед ва адвияҷотро ба он бипошед.

Обро ҳамроҳ бо намак, шакар, баргабӯ рӯи оташ бигузоред.

Ҳамзамон баргаҳои карамро бо начинка пур созед ва онро бипечонед. Дулмаҳои омодаро дар косаи калон бичинед.

Намакоби ҷушидаро аз боло оташ бигиред, каме сард шавад ба он сирко ҳамроҳ кунед. Мунтазир бошед, то ширгарм шавад, ва онро бо дулмаҳои чидашуда бирезед, рӯи он зарфи вазндорро бигузоред то ба он фишор оварад(мешавад банкаи дорои1 литр обро гузошт.

Як рӯз дар ҳарорати хона ба ҳамин тарз нигаҳ доред, баъдан барои 1 рӯзи дигар дар яхдон гузоред.

Дулмаҳои хушлаззат омода шуданд ва шумо пас аз ин ҳама заҳмат онҳоро бод или пур рӯи дастархон гузоред ва далерона меҳмонон ва аъзои хонаводаатонро барои тановули он даъват намоед.

Дулмакарами сабзавотиро ҳам метавон бо гӯштбирён, моҳибирён ва ё пюреи картошка истеъмол кард. Дулмаҳо ҳар қадар дар намакоби сиркодор (мариноват) хобонда шаванд, ҳамон андоза хушлаззат хоҳанд шуд.

Нӯши ҷон!

Таҳиягар: Парвин

©2008 - 2017 "Миллат" - рӯзномаи ҷамъиятӣ сиёсии Тоҷикистон. All right reserved.

Нишонӣ: Ҷумҳурии Тоҷикистон, шаҳри Душанбе, хиёбони С. Шерозӣ 16 ошёнаи 2
E-mail: info@millat.tj, millat@inbox.ru Tel: (+992)37-88-111-97